賣豬仔特式燒烤坊 (已結業)

見佢個鋪位唔太好，咁耐都做得住，諗住佢應該幾好食，所以黎試下。睇個餐牌就已經覺得貴，一個招牌BB豬飯都要$58，但係都諗住試下啦，個BB豬味道都真係算唔錯，但係係深水埔都賣咁貴，環境加服務就真係唔值呢個價囉。佢賣其他都係串燒之類，我都試左個羊架、牛舌、魚，羊架就又肥又普通，牛舌就好靭，魚就有d腥同苦，唔係話好差既，但一定唔係好食囉。埋單都要成百幾蚊，我就認真覺得唔抵勒，如果剩係想食燒豬既話係可以一試既，想食其他燒野食既我就會去第二度啦，我去福榮街果面買串燒食好過。