銀座藏人 (已結業)

雖然室外雅座環境唔錯,但係食得好唔開心. 我覺得呢度服務實在唔好: 我去既時候已經唔係多客,人手應該非常充足,但係d侍應成日好似冇晒影咁.食完頭盤既碟同湯碗一直冇人理,直至我埋單都原封不動.(唔知而家執左未)我禮貌地視意侍應小姐幫我執走食完主菜既碟,佢就不太願意地幫我執走隻碟.(但依然冇理剛才提及的頭盤碟同湯碗)餐飲同甜品要一追再追,再等十幾分鐘先出現(好多枱都有此問題)食物方面不算差,但係唔值咁貴,可能我覺得服務方面扣得太多分.如果此店服務未能改善,我相信好難吸引食客再光顧(善意批評)