影片
更多
2018-01-16
152 瀏覽
嗱嗱嗱題目已經帶定頭盔依家野只係食清心丸！原來呢間滔滔糖水裝修做得好古色古香本身應該係想俾人影相厄下like不過開咗張之後大家留意嘅竟然係佢啲嘢食因為依家嘢食嘅係主打潮式糖水係區內甚至隔離區都冇乜潮式糖水店鋪所以要食類似嘅嘢就比較難呀我主要食佢嘅清心丸陪綠豆爽我就真係冇喺其他地方食過啦佢啲綠豆好似包糭嗰啲綠豆咁唔係好似我哋港式糖水綠豆沙嗰啲綠豆配埋正方形透明嘅清心丸都幾好食架！清心丸超級煙銀，喜歡煙銀嘅人一定鍾意，我都係其中一個轉成為清心丸黎既人，偷聽到對面個女仔都係咁講綠豆質地有啲偏硬，咬開粉粉地既！另外有啲薏米、唔同質地嘅嘢係碗糖水度糖水底都有啲偏甜，唔係清甜嗰啲甜，死甜另外一叫咗：雪耳蓮子清心爽加芋圓個糖水底，兩碗一樣份量都幾足啲芋圓超難食，好似泥膠人哋話芋圓一係就煙銀，無乜番薯芋頭味，因為落得多粉；一係就好重番薯芋頭味，但係就一啲都唔煙銀！呢個一定係後者，未就有！但係爛啤啤咁嘅質地！不！好！吃！餐牌其實都唔係好多款揀價錢都唔貴，算平添！我見其他人會揀返普通果啲西米露涼粉等等之後就自己加清心丸生果等等我估佢都係清心丸比較受歡迎講真西米露涼粉綠豆沙紅豆沙我都唔會喺度食啦！同區大把好
題目已經帶定頭盔
依家野只係食清心丸！
原來呢間滔滔糖水
裝修做得好古色古香
本身應該係想俾人影相厄下like
不過開咗張之後大家留意嘅竟然係佢啲嘢食
因為依家嘢食嘅係主打潮式糖水
係區內甚至隔離區都冇乜潮式糖水店鋪
所以要食類似嘅嘢就比較難呀
我主要食佢嘅清心丸陪綠豆爽
我就真係冇喺其他地方食過啦
清心丸配綠豆爽
$27
20 瀏覽
0 讚好
0 留言
佢啲綠豆好似包糭嗰啲綠豆咁
唔係好似我哋港式糖水綠豆沙嗰啲綠豆
配埋正方形透明嘅清心丸
都幾好食架！
清心丸超級煙銀，喜歡煙銀嘅人一定鍾意，我都係其中一個轉成為清心丸黎既人，偷聽到對面個女仔都係咁講
綠豆質地有啲偏硬，咬開粉粉地既！
另外有啲薏米、唔同質地嘅嘢係碗糖水度
糖水底都有啲偏甜，唔係清甜嗰啲甜，死甜
蓮子雪耳清心爽加芋圓
$34
8 瀏覽
0 讚好
0 留言
另外一叫咗：雪耳蓮子清心爽加芋圓
個糖水底，兩碗一樣
份量都幾足
啲芋圓超難食，好似泥膠
人哋話芋圓一係就煙銀，無乜番薯芋頭味，因為落得多粉；一係就好重番薯芋頭味，但係就一啲都唔煙銀！呢個一定係後者，未就有！但係爛啤啤咁嘅質地！不！好！吃！
餐牌其實都唔係好多款揀
價錢都唔貴，算平添！
我見其他人會揀返普通果啲西米露涼粉等等
之後就自己加清心丸生果等等
我估佢都係清心丸比較受歡迎
講真西米露涼粉綠豆沙紅豆沙我都唔會喺度食啦！
同區大把好食過佢嘅糖水舖喎！
開張嘅時候除咗熱捧佢嘅潮式糖水之外
都好推介佢啲芝麻糊同埋合桃露
我之前已經試過
一啲都唔好食
同區亦都有好食過佢嘅芝麻糊同合桃露
絕對唔推介
講反佢個裝修係幾特別嘅，
如果入到去影相都真係厄到Like既
不過開咗冇幾耐已經好似殘殘壞壞，污污糟糟咁，唔掂！
嗱，我哋係你食嘢唔係影相所以就冇乜所謂坐唔坐入面！
我前面有幾個女仔堅持要等入面呢位
個阿姐即刻黑面同埋講「入面你有排都未等到！」
其實阿姐你只要講「要等入面預返要等耐少少」，個客鍾意等咪由佢等囉，咁嬲做咩啫！難怪之前啲人話阿姐態度差啦！
而我地呢，就被安排坐到去老遠
真係老遠嘅老遠！
因為隔咗兩個鋪頭嘅一個門口位，
但黑暗暗，燈冇乜，我差啲以為自己坐係公園食！
不過我地又冇所謂啦，諗住咁多人等，方便下人地！我哋係為咗食糖水姐！
但係
阿姐你安置左我哋之後，
就理都冇再理過我哋！
餐牌、叫嘢食全部都係自己過反去攞，
差啲連凳都要自己過去攞！
講真丫！我哋已經肯坐到咁遠，搭晒枱，
你點都比下面我過黎關心下我丫！
錢就識收定，
又唔講定，
一放低糖水就要我地比$$！
再一次肯定我係係公園食！
睇下我坐左係邊個暗角！
我地都係見咁多人，方便下大家坐過黎者！
好慘！
張枱又污穢，地下又污穢，已經算，
服務咁差！
野食又差！
除左清心丸，其他都一般！
芋圓簡直難食！
話你知呀！
元朗呢個地方！
靠gimmick係做唔住架！
大家都應該好清楚，
見盡幾多個紅極一時嘅餐廳，最後咪又係執笠！
所以都係留意反啦，老世！
張貼
