MAMTOM

昨晚去用餐，點了三道菜：1. 湯河+牛骨髓(下圖) 分數：3.5/52. 炒通菜(下圖) 分數：4/53. DIY(下圖) 分數：0.5/5湯河及炒通菜都中規中矩對得住價錢而“DIY”貴為餐廳Signature菜色，但設計其差，比客人自己落手包米紙卷，但米紙又硬又脆又易碎，加上配料太大件極難用米紙包妥，結果我同女友每人試咗五次以上，先至成功包好第一個，但一加上汁料準備擺入口，汁料就已經滴出來，大家食咗第一件之後，已經成枱米紙碎同汁料！但咁都唔止！米紙又硬又薄，結果女友進食時被米紙𠝹損咀唇出血，呢吓我真係忍無可忍，叫咗經理埋嚟反映，經理仲同我地講，米紙接觸到口水就會變軟，咁就唔會𠝹損，我聽完真係火上加火，米紙未放入口又點樣接觸口水呢？？係會變軟就唔會搞到成枱碎啦！！同個經理嘈完一輪，佢終於好似明白咁收走碟DIY，仲話會在張單取消呢碟嘢，我同女友無哂Mood，坐多陣就埋單走！總結：DIY，只適合比相機食，不合人食。