璟瓏軒

營業中

休息中

前幾日去故宮博物館參觀，中午貪方便去咗四樓飲茶，餐廳環境服務點心造型一流，但味道九流。午餐兩個人嗌咗六樣嘢：花旗蔘湯蝦餃，個湯勁多味精。雪茄蟹肉春卷，啲蟹肉唔新鮮，好腥。有雞先有蛋，其實就係鹹水角加芒果布甸，冇乜特別。澳洲和牛生煎包就係生煎包，唐包點水準。茅台時果杏仁燕窩，就係杏仁豆腐拼罐頭雜果+2滴白酒，有啲失望。黑松露餃冇黑松露味。我食完成餐飯，發覺最好味嘅竟然係我叫嗰杯人蔘烏龍。順帶一提，啲碗碟唔係十分乾淨。如果只係打卡影相，佢絕對可以滿足到你。如果你諗住肚餓食嘢，我建議你去故宮博物館或週邊其他餐廳。