煲仔榮記 (已結業)

叫咗個油鴨煲仔飯，超難食。我唔明點解個飯可以一啲油鴨味都冇。叫得油鴨飯緊係為個飯，唔通為咗個鹹到腎虧嘅油鴨咩，但係個飯完全冇油鴨味叫人點食。個煲仔飯一上嚟已經全個底都係飯焦（甚至燶左啲），完全唔似出面咁靚仔。唔通而家係煲裝嘅飯就可以叫煲仔飯？咁低標準？真係唔食過哩間都唔知，原來煲仔飯可以咁難食。我諗行去廟街求其一間都平靚正過佢。大家千其唔好懶，行去廟街食啦。另外，啲staff嘅態度係澳牛staff 咁。