煲仔榮記 (已結業)

之前同朋友請網上搵呢間啲煲仔飯幾好食就去試吓….嗰日平日，七點未夠已經去到，但好多著名小食都已經話冇坐咗10分鐘落單，每人叫左個煲仔飯同嘢飲，個煲仔飯等咗起碼20分鐘先嚟，咁不嬲食煲仔飯都唔係即上，所以我冇追過佢，點知個煲仔飯嚟咗10分鐘，佢就同我講差唔多夠鐘，不停咁吹我哋。跟住同我講食飯係一個鐘頭限制，跟住我同我朋友都話頭先都冇講，跟住佢話寫咗喺我哋後邊枱牆上邊，嘩😳真係多謝晒！我朋友想同佢嘈，我都都叫佢慳返啖氣，快啲食完走啦，又唔係多人等位，間嘢都唔係做生意嘅…..所以唔好問點解港人唔留港消費，你係客遇到啲咁嘅餐廳，你都話下次不了….執咗就唔好再開喇，免得影響香港形象

又唔係平👎，又唔係特別好食👎，服務態度差👎，唔會再去囉。.服務點差法？我只係行入去問吓要兩個位，佢就即刻叫我哋出去排隊。非常冇禮貌。咁嘅嘢，如果唔係朋友話想試吓呢間，我走咗好耐。.Anyway，食物正常，但係平民區賣啲唔平民價錢嘅食物，要成$160。我唔推介囉。

最hit 既菜式無左，仲要係門口大大隻字寫推薦 呃人入黎，仲要個menu 都show 出黎 ，係等你落單先黎話冇！！！！！！！！！呢個要冬天先有，嗰個就唔再出，唔再出又唔打交叉 又放係個menu 到係專登寫出黎呃人？ 個沙嗲牛面鹹到痴線 D 豆卜又硬，煮都未煮熟就拎出黎，咁都賣得出$78上菜又慢過隻烏龜，個滑牛飯要等個面食完先施施然上，d牛又韌到好似橡筋咁，將d飯放落個煲到就叫煲仔飯，真係無言 ！食過最嬲既一餐飯！希望廣大市民唔好受騙！

同朋友上堂之前，特登去呢間KOL推介嘅煲仔飯試下係咪真係咁出色，點知冇想像中咁好上菜差唔多等咗四個字，搞到上堂都遲到左，仲要嘢食唔係話特別好食，應該唔會再去😓秘制豉汁白鱔煲仔飯呢個煲仔飯上到嚟個賣相好靚，但係個飯真係冇味，要落佢比嘅豉油同埋蝦油先至會有少少味道，但係平心而論真係唔係特別好食，個鱔份量係多不過都係冇乜特別味道。沙嗲滑牛肉煲仔湯麵呢個等得仲耐好似等咗半個鐘先有，上到菜朋友一食完之後面色一沉向我打眼色我問佢乜嘢事佢話嘩個面冇味😂 跟住我試咗一啖佢個湯真係冇味㗎喎，最後連我本身好鍾意食沙嗲嘅朋友都食唔晒呢個面🫠

本身係俾某雜誌介紹嘅煲仔沙嗲牛肉麵吸引，所以想要前來一試，點知來到店，自己又三心兩意，嗜辣一族見到麻辣兩個字係會被蒙蔽的，所以點了麻辣花甲粉，不過感覺味道一般，辣味有點像加了一層辣油而已，花甲都有十隻，不過粉絲太少，兩三啖都已食完，唔太抵。友人點了排骨煲仔飯，煲仔飯係招牌菜所以點都做得比較好吧，排骨唔會太多肥肉算幾好，飯好香，最重要嘅係整到有脆卜卜嘅飯焦，係好味啲。另外亦有點了芥蘭及炸魚蛋，芥蘭好軟淋，魚蛋炸到外皮超級脆，像食薯片一樣，都幾香口幾特別嘅。

呢間店嘅沙爹味非常濃郁，雖然食沙爹麵會覺得稍微鹹咗少少，不過依然十分惹味，我建議兩三個人share一份就最好，一個人食嘅話有啲膩滯。煲仔飯都好好味，我就點咗鹹魚肉餅煲仔飯，肉餅分量好足，鹹魚好香。鋪面位置唔算話多，食品選擇得果幾樣，算係專注于煲仔飯同埋沙爹面。

中學時代的回憶肥老虎叫左中學時成日食既炸蛋🌟🌟🌟🌟🌟、老柴🌟🌟🌟🌟🌟、火牛🌟🌟🌟🌟🌟超回味呀！而且價錢都係咁上下，炸蛋炸到脆卜卜、內裡仲好有魚蛋咬口；老柴好味，味道都有9成似；火牛不得不提咬落仲有肉汁爆出，超滿足另外仲叫蒜香卜卜蜆粉🌟🌟🌟🌟🌟，卜卜蜆都算多，粉絲索晒鮮味已經夠正，再加埋蝦油就特別香再試埋個白鱔煲仔飯🌟🌟🌟🌟🌟，一煲都有6塊白鱔，鱔肉新鮮彈牙，再加點枱上支撈汁真係絕配！肥老虎仲起埋成個飯焦出黎食，真係脆卜卜。======詳情======煲仔榮記 (旺角)旺角花園街1號鴻禧大廈地下K號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #肥老虎吃貨 #相機食先 #夏日打卡日常 #著數報料 #打卡美食 #打卡熱點 #我是吃貨 #香港探店 #香港美食探店 #旺角美食 #旺角好去處 #必吃之選 #炸蛋 #老柴 #火牛 #卜卜蜆粉 #白鱔煲仔飯 #花園街 #煲仔榮記

✍︎︎裝修以舊式香港懷舊風路線，霓虹燈牌非常搶眼，用煲仔上枱，保持新鮮熱辣又啱哂打卡當日午市套餐🧀芝士煎肉餅公仔麵🍜肉餅煎到好香，撈埋芝士公仔麵 超級邪惡🫕煲仔腸粉 $28醬汁：芝士//麻辣//沙嗲// XO醬自選配料：炸老蛋//老柴//厚切紅腸（各加$10）炸牛丸//炸墨丸//炸蟹柳（各加$15）牛肉//豬頸肉//雞翼（各加$20）我揀咗芝士汁加炸老蛋加豬頸肉🤓腸粉煎到微脆，加埋芝士汁熱辣辣正呀老闆推薦炸老蛋 其實係炸魚蛋外皮睇落皺哂皮 但食落口依然外脆內軟😝❥••••••••••••••••••••••••••••••🔎煲仔榮記 旺角花園街1號鴻禧大廈地下K號舖••••••••••••••••••••••••••••••

入到去，好熱，好似開27，28度冷氣咁。等左個飯5個字，上到黎個飯係正常，熱辣辣既，但食左半個鐘就比d員工吹交枱，間餐廳仲要未full 。食餐飯要比佢吹，趕頭趕命，不了。

今日收工去左旺角食煲仔飯，平時出街真係好少會特登去食煲仔飯，今日先第一次特登去食。係OPEN RICE到搵搵到呢間餐廳，我大約6點9左右去到，可能因為平日唔駛等位，食到7點幾開始多人，原來入面仲有位既，唔知係樓上定係後面間舖，不過係比我想像中大，我就叫左個臘味三竇煲仔飯，裡面有臘肉，臘腸同潤腸，但定價定到成90蚊我覺得係有D貴，份量都好少，味道就一般般，冇話好驚艷到你，應該唔會再黎食第2次了，本身都唔係太好食，加上呢間又唔係特別好好味

煲仔榮記是慈雲山榮記的分支, 沒有傳統茶餐廳的裝修, 反而走更年輕和型格的路線. 作為榮記的最撚手小菜, 煲仔沙嗲牛肉麵自然也會在這裡出現. 風格比原店更多風格, 除了煲仔湯麵外也有沾麵風格, 對我而言只是花巧而已.我點的是最基本的煲仔湯麵, 麵身夠挺夠爽, 湯底有不少花生, 看起來也比一般的矜貴, 但缺點同樣很多, 有點金玉其外, 敗絮其中的意味. 最大問題是不夠熱, 吃起來只有微溫, 湯頭比本店的稀不少, 就是一般茶記水平. 牛肉份量不多, 肉質還算可以, 但以七八十元一碗的定價, 再加上背負榮記之名, 不太OK. 反而炸雞卷的外脆內啲嫩及肉汁豐富, 比主菜更吸引, 有點可惜.Bo Jai Wing Kee is the branch of Wing Kee that is famous for her very concentrated satay beef instant noodles. The new branch looks more trendy than the original one but the noodles are not good enough, les

成日經過見到呢間鋪都排隊，今日見冇乜人就試下啦，叫左間鋪既店主推介其中一樣的蒜香卜卜蜆米粉，一黎見到顏色咁淺都覺得伏伏地，在試一啖完全冇味，似一煲水落咗米粉加少少蒜再落卜卜蜆就上枱咁。我唔知究竟間鋪嘅主打係咪食煲仔飯，所以我呢碗嘢先咁伏定點啊？但係店主推介到咁嘅質素我真心唔會再嚟幫襯，自己喺屋企煮都冇佢咁難食！

一大班朋友520搵地方食飯，想搵個可以hea到下，唔需要食完急住就走既地方，就揀左煲仔榮記，見佢又有Busking, 又有酒飲，啱晒我地成班酒鬼！先講地點，夠哂就腳，係正旺角花園街，真係香港九龍新界既朋友都冇問題！野食，喜出望外，估唔到有長腳蟹食，煲仔飯就唔洗特別推介啦，一個字「掂」！我最欣賞係成個場既氣氛，Busking既歌手同食飯嘅朋友們打成一片，大家都玩得好開心，朋友們又可以一齊唱下，係一晚開心嘅體驗！價錢方面，我見之前有人寫食評話覺得貴，我諗如果你抱住$30-40蚊食個煲仔飯嘅心態入去，咁一定係貴，但我覺得以一個體驗黎講，超平，我地埋單又食長腳蟹，除返開，每人$200（唔計飲酒啦，飲酒冇得計）$200又唱歌🎤又聽歌又食飯玩成晚，平到震啦！

呢間位於旺角既新潮煲仔餐廳，售賣各種煲仔飯、煲仔麵。發覺有大閘蟹粉腸粉，姑且一試，不試尤止可，一試驚人。忍唔住要寫食評分享。上枱時跟牆壁嘅 ‘下午茶’ (店員指海報是下午茶份量) 相差甚遠 (雖然圖片中的已吃掉三四條)。重點是完全沒有蟹味，連蟹肉都唔多覺。連忙叫店員來查詢，但他們只係話份量是老闆定制嘅，而且海報上嘅份量跟實物不同是應該嘅。經過數返表示對份量和味道都不滿，店員都無動於衷。至於其他食物就不過不失啦，但對大閘蟹腸粉感到極失望，唯有趕快吃完便離開。海報上的下午茶普通腸粉煲，只需$28 ，可以試下嘅。但加$100多左pat無味道的芡汁就唔值得，千祈唔好叫。

位於旺角既新潮煲仔餐廳，售賣各種煲仔飯、煲仔麵。發覺有大閘蟹粉腸粉，姑且一試，不是尤止可，一試驚人。上枱時跟牆壁既 ‘下午茶’ (店員指海報是下午茶份量) 相差甚遠 (圖片中的已吃掉三四條)。重點是完全沒有蟹味，連蟹肉都唔多覺。連忙叫店員來查詢，但他們只是說份量是老闆定制，而且海報上份量跟實物不同是應該的。經過數返表示對份量和味道都不滿，店員都無動於衷。其他食物不過不失，但對這到震驚的大閘蟹份腸粉感到極失望，唯有趕快吃完便離開。海報上的下午茶，只需$28 ，但這度加上特製芡汁的腸粉，竟然要$128 ，即是說無味道的芡汁要100。