鐵牛台灣牛肉麵 (旺角中心第一座) (已結業)

今日約好朋友聚會，好朋友突然想食台灣野，定試吓喺旺角中心地牢嘅鐵牛。打開餐牌，見到佢一般嘅台灣菜都有，朋友特別想食牛肉麵，一於點佢哋嘅招牌紅燒牛肉麵；再點左個鹽酥雞乾拌麵、小食叫咗鹽酥花枝丸、滷水拼盤，期待期待。食物很快就上枱，紅燒牛肉麵肉質夠淋，湯底有少少藥材味，合格。鹽酥雞乾拌麵，鹽酥雞炸得夠香脆，肉質亦軟香，細細粒容易食，乾拌麵質地較軟身，唔夠彈牙，有少少發脹。鹽酥花枝丸不過不失，係一般嘅鹽酥花枝丸味道。我飲咗熱嘅台式奶茶，唔會太甜，個人口味對了！總括而言，旺角區要食台灣嘢，呢間可以一試！