影片
更多
2021-02-15
295 瀏覽
啱啱過咗農曆新年，Dana喺度祝大家牛年身體健康心想事成，食極都唔肥！琴日年初三終於有假放，所以就去咗屋企附近食返個brunch放鬆一下！黃竹坑其實新開左唔少嘅餐廳同埋Cafe ，好多都有興趣好想試吓，今日就試咗呢間Bread and Bistro！呢間舖頭都幾得意，佢除咗有All day breakfast 同埋Pancake 外，其他既主食主要都係走日本Fusion風格，有好幾款菜式其實我都好想食，不過今次叫咗沖繩特色三文魚牛油果Taco rice,Classic Pancake配漢堡扒，同埋水果茶試吓先！成餐飯最有驚喜嘅一定係佢既三文魚牛油果Taco rice,首先佢用糙米代替左白飯，可以降低返佢嘅碳水化合物，感覺上都健康啲！另外成個飯入口都好清爽，爽脆嘅蔬菜配合少少檸檬汁加上沙律醬真係勁開胃，三文魚嘅味道好濃郁，不過如果牛油果份量多少少嘅話應該會更加正，我個人都幾推薦！佢嘅All day breakfast 材料都好豐富，沙律嘅醬料唔算太油膩，沙律菜都好新鮮，炒蛋嘅牛油味好濃郁不過略嫌冇乜蛋味，我個人反而推介佢嘅漢堡扒，入口外皮超級脆 ，而且肉嘅味道都好濃郁，有少少似家常菜煎肉
琴日年初三終於有假放，所以就去咗屋企附近食返個brunch放鬆一下！
黃竹坑其實新開左唔少嘅餐廳同埋Cafe ，好多都有興趣好想試吓，今日就試咗呢間Bread and Bistro！
呢間舖頭都幾得意，佢除咗有All day breakfast 同埋Pancake 外，其他既主食主要都係走日本Fusion風格，有好幾款菜式其實我都好想食，不過今次叫咗沖繩特色三文魚牛油果Taco rice,Classic Pancake配漢堡扒，同埋水果茶試吓先！
成餐飯最有驚喜嘅一定係佢既三文魚牛油果Taco rice,首先佢用糙米代替左白飯，可以降低返佢嘅碳水化合物，感覺上都健康啲！另外成個飯入口都好清爽，爽脆嘅蔬菜配合少少檸檬汁加上沙律醬真係勁開胃，三文魚嘅味道好濃郁，不過如果牛油果份量多少少嘅話應該會更加正，我個人都幾推薦！
佢嘅All day breakfast 材料都好豐富，沙律嘅醬料唔算太油膩，沙律菜都好新鮮，炒蛋嘅牛油味好濃郁不過略嫌冇乜蛋味，我個人反而推介佢嘅漢堡扒，入口外皮超級脆 ，而且肉嘅味道都好濃郁，有少少似家常菜煎肉餅嘅感覺，反而佢嘅pancake味道有啲奇怪，而且帶有點燶味，呢度就有少少失望。
水果茶既金橘香味都幾出眾，反而茶底就比較普通，不過不失啦。
總括黎講其實呢間餐廳我都覺得可以再去試吓，我自己對佢其他嘅主菜都好有興趣，如果下次再去我就再話比大家聽我嘅食後感啦！
🇭🇰Bread and Bistro
香港黃竹坑香葉道2號One Island south地下G06號舖🇭🇰
張貼