影片
更多
2023-06-25
439 瀏覽
我地平日中午隨便行就入左一間cafe。我地兩個人但點左3-4人份量 😂（因為好肚餓🤤），cafe 有午餐價同正常價格既野食，我地揀左既蟹肉牛油果他他同黃金蟹肉意粉都屬於午餐價 ，價錢上算係抵既cafe。💸$440 💁🏼♀️人均100-200不等整體食物評價：★ ★ ★ ☆ ☆食物算係正常水平，只有一道菜係覺得好食，飲品方面係幾好，服務態度：★ ★ ★ ★ ☆服務員態度都好細心☺️，問佢比杯水會特別問一句要涷水定熱水。環境氣氛：★ ★ ★ ★ ☆坐陣飲野打卡的話，依間餐廳係唔錯選擇👍🏻。🥯食物方面黃金蟹肉意粉意粉放左個蟹做擺設幾靚，如果愛好蛋黃醬人士，可以嘗試依個意粉，好重蛋黃醬味黑松露&芝士味薯條先講下個薯條，我地本來諗住叫d小食等食完主菜之後可以慢慢食，吹下水嘆下杯咖啡同朱古力，但我地一致認同薯條太咸，👦🏻薯條既鹽量係近乎腎虧程度😂，但真係冇誇張，發覺d醬都有鹽.. 本來都食得咸，都頂唔順🫠。不過芝士味薯條佢既芝士醬係幾濃味，芝士愛好者可以嘗試下😝蟹肉牛油果他他不得不讚賞成餐飯呢道菜係最好食😋雖然佢黎到外貌上平平無其咁，👩🏼食落去佢既蟹肉同牛油果再配埋薄餅既味道好和諧😂係意料之外。重點
💸$440 💁🏼♀️人均100-200不等
整體食物評價：★ ★ ★ ☆ ☆
食物算係正常水平，只有一道菜係覺得好食，飲品方面係幾好，
服務態度：★ ★ ★ ★ ☆
服務員態度都好細心☺️，問佢比杯水會特別問一句要涷水定熱水。
環境氣氛：★ ★ ★ ★ ☆
坐陣飲野打卡的話，依間餐廳係唔錯選擇👍🏻。
🥯食物方面
黃金蟹肉意粉
意粉放左個蟹做擺設幾靚，如果愛好蛋黃醬人士，可以嘗試依個意粉，好重蛋黃醬味
黑松露&芝士味薯條
先講下個薯條，我地本來諗住叫d小食等食完主菜之後可以慢慢食，吹下水嘆下杯咖啡同朱古力，但我地一致認同薯條太咸，👦🏻薯條既鹽量係近乎腎虧程度😂，但真係冇誇張，發覺d醬都有鹽.. 本來都食得咸，都頂唔順🫠。不過芝士味薯條佢既芝士醬係幾濃味，芝士愛好者可以嘗試下😝
蟹肉牛油果他他
不得不讚賞成餐飯呢道菜係最好食😋雖然佢黎到外貌上平平無其咁，👩🏼食落去佢既蟹肉同牛油果再配埋薄餅既味道好和諧😂係意料之外。重點係佢冇加任何醬汁都好夠味好好食🥹
三文魚羽衣甘藍Bagel
個bagel係唔會再叫多次既機會🙅🏼♀️，唔知係咪因為繁忙時段，黎到既時候，個包好似未焗好👦🏻不論咬定切都有困難，個包有一定程度堅硬度😂，真係忍唔住叫人求解決，侍應好好，重新再煮新一碟。第二次黎到個包就好好多，係可以入口😂但就冇乜特別太大評價。
龍蝦湯
龍蝦湯略為遜色，飲緊似係味精湯既感覺，但味道上亦唔係話好重龍蝦湯應該有既味…🙅🏼♀️
☕️飲品方面，我地點左兩杯熱飲，兩杯飲品有牛奶成份，所以餐廳亦有提供燕麥奶選擇，但要加少少錢。飲品仲提供左甜度揀，兩杯飲品我地揀左少甜😆
5.特濃朱古力
佢既外貌上係髒髒風格，鋪上薄薄一層朱古力碎，打卡一流😎但「論盡」人士飲果陣要小心，因為佢杯碟都灑左d可可粉，可能會整污糟衣服同手，味道方面朱古力味都幾重,但又唔會掩蓋到d奶香味,👦🏻已經忍唔到幾啖飲左大半。👩🏼睇落有陣薄薄朱古力層好似好甜，但飲落其實甜度剛好，唔會太甜，適合唔同人飲。
6.彩虹拿鐵
外貌係100分，打卡超靚，飲左一半影都靚😂，👩🏼原本男朋友叫果陣仲以為係d打卡靚飲落唔好飲既咖啡，飲果陣聞到淡淡既焦糖味同埋飲落淡淡甜味之餘都有好香咖啡味，唔係虛有其表😝
張貼
