東京忍者 (已結業)

今天決定去看吹氣展，先來個午餐，拉麵風在香港吹很久了，一直未有嘗過真正的日本拉麵，很期待呢。轉了一圈，選了東京忍者同無双（見另一食評），反正對拉麵沒什麼研究，當天見這兩家比較人多，就這樣選了。現場有冷暖茶水供應，全自助。呼叫器勁響後有得食了。要了人氣no.1忍者特魂拉麵。先試一口湯底，好濃但唔算好油，幾好味。半肥瘦叉燒軟淋，入口亦化成油脂，正。溏心蛋不錯，有蛋味又流心。配料有筍，粟米，芽菜，蔥等，清新又增加口感。甜粟米正好中和返鹹鹹嘅豬骨湯。仲有一塊大紫菜，吸左湯汁食仲正。至於麵條，沒什麼彈性，合格吧。好大碗同好膩，而且越食越鹹，吃罷喝了五杯清水……拉麵似乎不是我杯茶，但總算一試了。