開飯主義

營業中

休息中

呢間曾經係我喜愛嘅餐廳，今日嚟食早餐感覺味道完全變晒，可以唔再幫襯啦！餐廳變成大排檔咁大大聲叫幾多位等安排入坐，伙計落單大大聲，收銀又大叫問餐廳內執好檯未？想舒舒服服食個早餐但就嘈吱巴閉！隔離檯係我哋點完餐先比個餐牌佢睇，同我叫嘅一樣，但就上餐快過我？以為等埋另一個餐一齊上又唔係！先上一份問佢咩嚟又唔答！脆脆奶油豬係凍嘅，點會好食？隔離檯都話飽又凍，牛油都唔溶！牛奶炒蛋睇相都見到唔滑啦！火腿正常，不過好難會整到唔好食嘅。蜜糖雞扒唯一算係好嘅。熱咖啡味道也不及以前，好苦！