影片
更多
2007-06-17
10 瀏覽
尋晚女友話好想食餐好, 而我又好想試下新野, 於是乎突然間諗起呢度食評話唔差, 所以兩個人決定黎呢度試下!入到去見到都幾多位, 以為冇咩人啦, 點知原來有幾張係留坐, 心諗都算好彩, 如果黎遲少少就位都冇, 咁就會白行一趟!睇左一陣餐牌, 諗住叫一個大蝦芒果沙律, 芝士焗生蠔, 一個晚餐要牛柳配鵝肝, 點知落左單先知冇大蝦芒果沙律, 有少少失望, 於是乎唯有轉另一款晚餐要左肉眼扒!先講下個晚餐, 有餐湯, 頭盤, 主菜, 甜品同餐飲, 都算抵食! 先黎兩個圓麵包加兩件法包多士, 兩份牛油, 仲有一樣就係諗都諗唔到會有野, 就係有一件鵝肝醬, 當我見到時候真係十分開心, 好耐都冇食過鵝肝醬喇, 而個包仲係好熱, 配埋鵝肝醬, 直頭好好味呀; 頭盤要左烚龍利柳同埋雞軟骨餃子, 烚龍利柳好得, 雖然龍利柳唔係好大件, 不過好滑同埋唔腥, 個味又教得好, 正呀; 雞軟骨餃子有兩件, 雞軟骨唔會太硬, 令到餃子比較爽口, 而且味道一流; 餐湯就要左忌廉湯同埋雜菜湯, 忌廉湯係周打魚湯, 我冇試過唔知係點樣, 而雜菜湯都幾清幾好味; 肉眼扒同埋牛柳配鵝肝就一般d, 因為肉眼扒同牛柳都冇咩味, 係幾
入到去見到都幾多位, 以為冇咩人啦, 點知原來有幾張係留坐, 心諗都算好彩, 如果黎遲少少就位都冇, 咁就會白行一趟!
睇左一陣餐牌, 諗住叫一個大蝦芒果沙律, 芝士焗生蠔, 一個晚餐要牛柳配鵝肝, 點知落左單先知冇大蝦芒果沙律, 有少少失望, 於是乎唯有轉另一款晚餐要左肉眼扒!
先講下個晚餐, 有餐湯, 頭盤, 主菜, 甜品同餐飲, 都算抵食!
先黎兩個圓麵包加兩件法包多士, 兩份牛油, 仲有一樣就係諗都諗唔到會有野, 就係有一件鵝肝醬, 當我見到時候真係十分開心, 好耐都冇食過鵝肝醬喇, 而個包仲係好熱, 配埋鵝肝醬, 直頭好好味呀; 頭盤要左烚龍利柳同埋雞軟骨餃子, 烚龍利柳好得, 雖然龍利柳唔係好大件, 不過好滑同埋唔腥, 個味又教得好, 正呀; 雞軟骨餃子有兩件, 雞軟骨唔會太硬, 令到餃子比較爽口, 而且味道一流; 餐湯就要左忌廉湯同埋雜菜湯, 忌廉湯係周打魚湯, 我冇試過唔知係點樣, 而雜菜湯都幾清幾好味; 肉眼扒同埋牛柳配鵝肝就一般d, 因為肉眼扒同牛柳都冇咩味, 係幾新鮮同埋好鬆身, 但係就幾淡口下, 落d海鹽就會令塊扒同牛柳有少少咸味, 不過我就提唔起興趣去食, 唔係話唔好味, 不過師傅我就唔係好鍾意喇, 要配埋個燒汁先至可以勉強食埋, 而塊鵝肝就好大塊而且煎得都好香, 呢個就好味; 配菜有炸薯仔蓉, 翠玉瓜, 茄子同埋半個蕃茄, 不過呢d我都冇食! 而另一個加芝士焗生蠔又係非常得, 生蠔都算幾大隻, 好新鮮一d都冇苦味, 配上芝士黎焗係非常香口, 好美味, 而伴碟焗薯蓉一d都唔馬虎, 薯蓉唔會太廉口, 好味!
唯獨杯凍檸茶就真係唔得喇, 一d茶味都冇; 而個甜品係件蛋糕, 蛋糕本身都唔錯, 可以呀!
不過服務就真係麻麻地, 個伙計全程都黑口黑面, 落單又好似唔想做咁, 問佢牙簽佢又比張單我, 攪到我都有d火火地! 其實其他人都做得幾好, 而食野過程係唔會催你, 等我地食完一碟再一碟, 不過我覺得佢地仍有地方可以再可以再改善好d囉!
下次我都應該會黎, 但我諗我唔會食扒囉!
張貼