R&B (已結業)

野食味道好好，好夠味。好鍾意佢個薯條，新鮮炸出黎，好香。佢個薯條係帶皮嘅，幼切薯條，薯條上面個醬好好食，淨係點少少就已經好惹味。另外食咗個燒粟米同卡邦尼粟米唔會好乾，咬落去有汁，配菜有半條青辣椒，真係好辣。如果同行有鍾意食辣嘅朋友可以用呢個黎滿足下佢...意粉都唔會冇汁，汁煮得都杰身，可能痴到係意粉上面，食落啖啖都有汁。而個意粉個軟硬都適中，配料都好充足，好好食。店員嘅服務都唔錯，餐廳嘅店員唔多，但係都照顧到客人。環境方面個坐位都闊，唔會枱同枱好迫咁坐。同埋洗手間都乾淨嘅