永珍越南食館 (已結業)

上星期在花墟買完花，經過呢度就試吓個午餐，我地叫咗咖喱雞飯同埋香茅豬扒飯餐，另外叫咗炸春卷，啲咖喱汁都幾有咖喱及椰汁味，餸飯好好胃口，香茅豬扒都幾香，如果可以鬆少少，仲好！其實我最想講係佢地嘅春卷，啲炸春卷大大條又粗，好多餡料,點佢地秘製嘅酸辣汁包住生菜好好食，好有口感，我自己次次去食泰國或越南嘢，我一定叫炸春卷，之前其他泰國餐廳啲春卷啤我嘅感覺好似是大批預製的，呢間泰國餐廳嘅春卷完全無令我地失望。五十幾蚊一個餐，大大份，我覺得都唔算貴，可以再去食！