La Terrasse by ÉPURE (已結業)

以前飲嘢一直習慣落中環，但近呢兩三年轉左地頭返工，放左工攰到死唔想下下搖過海，於是開始留意油尖旺有冇好地埗。最近上網睇到幫襯過的 EPURE 原來開左室外部分 La Terrasse，有日和同事做完嘢便一齊去試下。嚟到時六點幾，個天仲未黑晒，係好靚嘅寶藍色，襯住個維港景同四周嘅燈飾，好靚！環境都相當寬敞，感覺唔迫，好舒服，係一個可以同朋友飲兩杯、傾下偈嘅好地方。坐低點左杯Pina Colada，coconut milk & rum 的組合，味道甜甜地，好適合女仔飲。另外一位靚女同事點左杯Nothing，入面有vodka 原本以為好 “哽”，點知又 OK 喎（不過我地有同調酒師講要少啲酒 XD），都好易入口。不過我最鍾意都係呢度 view 靚又夠靜，地點又就腳，以後約朋友傾偈可以多一個選擇。