Burgerman (欽州街) (已結業)

今日特登嚟到深水埗想買電話卡，唔係好熟呢邊唔知有咩食，跟住見到有一間好似幾得意嘅小店食漢堡包，於是就同朋友試試佢啦。估唔到咁細間店但係有咁多種漢堡包可以揀，諗左好耐究竟食鵝肝定係和牛，最後我同朋友決定叫一個和牛漢堡同埋侯斯頓漢堡試試。因為我同朋友都想兩種漢堡試吓係咪真係有分別，於是膽粗粗問下店員可唔可以幫我地將個包切開一半，佢哋好好人馬上應承咗。侯斯頓漢堡塊漢堡扒超大，好多汁，而且漢堡包皮幾鬆軟，加埋芝士，我甚至乎覺得比摩斯漢堡更加好食。同埋有一樣野一定要讚下就係因為呢個漢堡好多汁，餐廳有供應即棄手套俾人用，好貼心啊。另外我哋叫嘅和牛漢堡漢堡扒就冇咁口，但係比起之前嗰個漢堡更加多汁，呢個跟餐我哋冇要薯條，要左田園沙律，沙律汁加埋新鮮嘅沙律菜好清新，感覺唔好食薯條咁熱氣，而且跟餐仲送埋一罐汽水，其實都幾抵食呀。極力推薦大家如果會黎既話，要試試和牛漢堡！