甜姨姨私房甜品 (清風街)

營業中

休息中

早幾日經過天后呢間甜品店，原本食飽飯唔想再食嘢住，但因為佢門口貼咗張鎮店推介係榴槤豆腐花就忍唔住行咗入去啦。我覺得可能因為榴槤太大陣味所以唔係太多甜品店會賣榴槤，就算有嗰d款式都唔會多，而且食起上嚟都會怕附近嘅人唔鍾意陣味，但喺呢到差唔多人人都會食榴槤，所以可以好放心咁食，而且佢仲有多款榴槤甜品任君選擇，真係榴槤愛好者嘅喜訊。既然榴槤豆腐花係店長推介，所以我今次就叫咗佢啦。估唔到佢嘅榴槤肉有咁多，而且食落都好新鮮，佢仲加咗少少榴槤汁喺面。我之前食過其他鋪頭嘅榴槤豆腐花只係畀一丁點榴槤肉。