燒肉臻 (已結業)

餐廳環境舒適，服務態度親切，最重要嘅係佢嘅食物質素非常出色！首先，餐廳提供一個90分鐘任飲清酒嘅優惠，只需$148就可以盡情暢飲，真係超抵飲！如果你鍾意清酒嘅話，呢個優惠絕對唔可以錯過酒盜薯仔沙律做頭盤，非常開胃。薯仔沙律入面有好新鮮嘅蔬菜，味道鮮美爽口，夠醒胃。 跟住落嚟就係味醂魚乾，呢個菜式係一個傳統嘅日本小食。魚乾經過用味醂浸泡之後烘乾，質地口感依韌，油脂清香。 再加沙律醬， 餸酒一流，令人食到停唔到口。 牛肉盛合係呢間餐廳嘅一個招牌主菜， 拼盤包括有三角胸小排、背峰、後腰蓋柳、牛小排、三角肥牛、封門牛同牛板腱。每一款牛肉都經過精心挑選同裁切，肉質鮮嫩多汁，口感極佳，由充滿油花肥美多汁，去到脂肪比例均勻，甚至乎牛味極濃郁，都可以食到唔同層次嘅款式種類，無論係咩部位嘅牛肉，都保持住佢嘅原汁原味野菜盛合分別有翠玉瓜、菇菌同茄子。呢個菜盤主打新鮮嘅蔬菜，有翠玉瓜,菇菌, 茄子。呢間餐廳嘅加拿大龍蝦可以話係冇得輸，鮮甜彈牙，長度竟然大過我隻手掌，每一口都飽滿嘅龍蝦肉質係絕對令人大滿足，一咬落去彈牙之餘，龍蝦汁直頭咇出嚟，佢嘅鮮味同質感絕對可以滿足到最挑剔嘅味蕾。