惠 (已結業)

我中意食Omakase嘅原因係可以睇住師傅喺眼前製作食物，可以欣賞佢地嘅刀工同功架之餘又可以同佢地傾下計，呢間惠都可以話係我心目中排名嘅頭幾位☝🏻喜之次都係其中一款我幾中意食嘅魚類🐟因為價錢貴所以平時都唔太常有機會食到。肉質爽口脆身，味道清新淡味，而且佢同柚子胡椒醬好夾😍鮟鱇魚肝配魚子醬真係好奢華嘅享受，大大啖魚子醬再配埋鱈魚片，一軟一硬嘅口感，味道香濃😋平政肉質偏向爽口彈牙，帶有淡淡嘅油脂香😍呢款魚我都係第一次食，平時都好少見。銀鱈魚經過炙燒後將魚油燒晒出嚟，油脂好香濃，入口即溶✨配埋黑松露醬將味道變得更加濃厚，超有驚喜😍仲有仲有，帆立貝天婦羅加海膽，面有竹炭鹽，微凍既海膽加上熱既帆立貝天婦羅，口感十足；海膽超級鮮甜，入口即溶；面頭嘅竹炭鹽點綴鮮味！