新泰東南亞餐廳 (興旺閣)

營業中

休息中

呢間Sun Thai Restaurant 喺平時都見好多人排隊，小弟都食過唔少次，身為普通嘅打工仔梗係食lunch sets 啦，今日就同大家介紹下佢。🍲椰香青檸海鮮海鮮湯粉絲 $75等咗好耐下先送到，一上枱椰香的確好濃，正唔正宗我就唔知，聞落好正咁。一食入口有陣酸酸地嘅味，應該係青檸，我鍾意食酸，覺得好開胃。比咗好多粉絲，撈埋湯一齊食其實好正嘅，但無可能齋食湯粉架嗎，可惜嘅係啲海鮮配料一般般，魷魚新鮮唔梅嘅，算係唯一亮點。仲有幾隻蝦，雖然係爽身但唔知點解有啲腥。跟住就係啲魚片蟹柳，唔駛講都知係普通嘢。飽就一定飽，雖然個湯我鍾竟，但抵食程度唔高，唔建議叫。☕️跟餐嘅熱奶茶一般～🍖泰國街邊豬肉串 跟餐加$28豬肉串本身甜甜哋，配送嘅啲醬汁要有啲辣，唔太啱我，整體普通唔覺得需要特登加$28去換🥘🍚星馬咖哩雞配白飯 $75今次係同事叫嘅，小弟之前都食過，感覺好好多，咖哩係偏甜果種，雞肉多都算嫩滑，中伏機會低好多。總括而言，價錢喺灣仔嚟講係算係平平哋，以我嘅經驗揀配飯嘅餐會正常好多，食佢唔好對佢有太大期望就好了。諗唔到食咩食佢就啱。