漁正居酒屋

營業中

休息中

有時候有啲料理食多咗難免會覺得膩，但係日式料理反而一直都係我嘅世一，所以搵到一間好食嘅日本餐廳對我嚟講好緊要～今次呢間居酒屋嘅食物質素認真唔錯 ˃̵͈̑ᴗ˂̵͈̑ 以後又多咗個地方可以同朋友一路食日本嘢一路打躉啦˶‾᷄ꈊ‾᷅˵✎ 店長刺身拼盤(特上)食材包括北海道海膽、三塊吞拿魚腩、三塊八爪魚、兩條牡丹蝦、兩塊鮮帆立貝、三塊油甘魚、一塊活赤貝同埋一杯三文魚籽。整體嚟講全部都好鮮甜；八爪魚同活赤貝爽口；吞拿魚腩、帆立貝同牡丹蝦口感軟腍，入口即融嘅感覺，岀色；最值得一提嘅係三文魚籽鮮甜得嚟只係帶少少鹹味，唔係嗰種好鹹食多咗要飲水嗰種感覺，食多啲都得～✎ 三文魚魚生飯 三文魚鮮甜、入口即融，飯粒粒分明，少少酸，食落好開胃。✎ 黑醬油叉燒拉麵黑醬油味超濃，食耐咗唔會有種膩嘅感覺，飲晒成碗湯都得～麵軟硬度適中，叉燒一半肥膏一半肉，入口即融但唔會太有肥膩感，而且散發出濃郁叉燒味，好食！✎ 田樂豆腐 一咬就有汁爆出嚟，好鮮๑˃́ꇴ˂̀๑表皮炸到脆，入面軟身，另外仲淋咗甜甜哋嘅醬係豆腐表面，惹味！✎ 蒲燒鰻魚 有4塊鰻魚。幾滑嫩，冇乜骨咁，同樣一入口就融化嘅口感，鰻魚醬既味幾濃，幾好食，呢個位係成碟菜式嘅精髓，加咗唔少