Ruff＆Fetch cafe (已結業)

今日同朋友嚟到呢間位於佐敦的寵物友善cafe。最下層係購物同寵物泳池，上一層是寵物美容同酒店，而最高那層天台就是cafe。喺搭呢部lift直上餐廳的。餐廳仲有boardgame 提供，啱晒同朋友一齊嚟hea。安格斯牛肉漢堡配薯條（$138）- 安格斯牛肉好juicy同有質感，蕃茄生菜都好新鮮爽口，就連塊麵包都好好味，用牛油烘得又香又脆口。配埋薯條真係美味。黑松露雞翼（$58）- 估唔到份量咁多，起碼有六至七隻雞翼。黑松露味好香，而雞翼熱辣辣得來肉質都好嫩滑。味道上除咗黑松露外，你仲可以揀芝士或者蜜糖。