Nun Desserts Cafe

營業中

休息中

呢間係位於旺角市中心嘅甜品舖，位置非常顯眼好易搵！👍🏻👍🏻店內幾乎全部嘅甜品望落去都好好食，其實望住真係會有啲選擇困難症😂😂，最後我就揀咗韓式芝士蛋糕士多啤梨窩夫🍓🍓！！當佢上枱嘅時候，我有啲俾佢嘅份量嚇親，估唔到係咁大個，而且佢係陪埋煉奶一齊食真係諗吓都覺得好邪惡🤤🤤🤤！！基本上食完呢個甜品一定會飽曬肚✨✨✨佢嘅窩夫煎得好香脆！食落去又有啲軟綿綿嘅感覺，幾得意！個蛋糕都好好食？？其實點解唔係雪糕係蛋糕，餐牌寫住係蛋糕，但係食落去明明係雪糕，呢個我都幾疑惑？😂幾樣配搭埋一齊完全冇違和感！如果唔識點揀嘅話就食呢個啦😉😉！真係會俾到你一個好好嘅甜品體驗，不過價錢方面就可能會有啲貴，但係如果你係諗住要好好食，又係士多啤梨控嘅話就唔好諗啦，揀佢就啱！🌟🌟🙆🏻‍♂️