木玥巷 (已結業)

炸雞咁多款🐔你最中意食邊款？爺爺👴🏻家鄉雞？oppa👨‍🎤炸雞？是旦啦🦭你中意食咩都唔關我事啦🦭直接一句：「可能/應該/或者係全香港最薄炸粉既鹽酥雞」今次肥豹試左🦭1. 鹽酥雞飯話明鹽酥雞，最重要就係調味同酥脆度。調味上👍🏻鹽、調味料都平均地分佈係每一件雞上。另外再加埋個自家製甜酸醬，甜酸咸既融合，令你身體無法抗拒。至於酥脆👍🏻無得彈！超薄炸皮，一入口就feel到個酥脆，仲要入面勁多肉汁。最誇張既係炸雞食完，個碗竟然一啲都唔油！推薦！2. 木玥招牌水果茶一上台嚇親肥豹，同外國人飲啤酒啲杯一樣大（可能再高啲）個刻肥豹心諗，我係咪要有糖尿病了🦭好在都唔算好甜，不過就普普通通，我自己就覺得個化學味大於個茶味。豹言豹語：食物上對得住個價👍🏻一個唔油、皮薄既炸雞真係唔易搵🤤係正朗屏站橋底，自然一到食飯時間就好搶手，大家要去記得早啲去。