影片
更多
2024-03-04
755 瀏覽
葵芳呢間人氣喇沙專門店 真係有緣先食到。皆因小店一人主理，即日下午先會係店家IG story 公佈營業與否 & 開門時間。最近小店都係晚上8點開門，上網睇comment開店前半個鐘已經排晒長龍，不過當日(平日)8點準時到，都可以成功入到第一round。當晚只有兩款喇沙 & 一款小食，另設draft beer、汽水、茶等飲品。🌟豬軟骨喇沙摻摻 $78🌟烤雞喇沙摻摻 $78喇沙湯底帶椰奶香，無想像中咁濃郁，勝在唔會太鹹，食完都唔口渴。油麵米粉掛汁，不過兩款都煮得腍左啲，無左分明嘅口感。豬軟骨 煮到超腍，軟骨位近乎入口即化，可惜調味偏淡。雞扒 大大塊，煎得幾香，滑彈唔柴。🌟五花肉 $38少失望，皮少韌肉少乾，勝在豬味重 夠入味整體來講，無想像中咁驚艶，未必會回頭。不過老闆一腳踢，實在令人佩服。
當晚只有兩款喇沙 & 一款小食，另設draft beer、汽水、茶等飲品。
🌟豬軟骨喇沙摻摻 $78
🌟烤雞喇沙摻摻 $78
喇沙湯底帶椰奶香，無想像中咁濃郁，勝在唔會太鹹，食完都唔口渴。油麵米粉掛汁，不過兩款都煮得腍左啲，無左分明嘅口感。
豬軟骨 煮到超腍，軟骨位近乎入口即化，可惜調味偏淡。
雞扒 大大塊，煎得幾香，滑彈唔柴。
🌟五花肉 $38
少失望，皮少韌肉少乾，勝在豬味重 夠入味
整體來講，無想像中咁驚艶，未必會回頭。不過老闆一腳踢，實在令人佩服。
張貼
