茶木‧台式休閒餐廳 (屯門市廣場1期)

營業中

休息中

聚會總想揾一處舒適嘅地方既能提供優質美食又能舒適安坐。餐廳裝修簡約以木系元素為主畀人有種清新嘅感覺亦帶點簡約美。餐廳用QR code落單，食物亦好快送到。木柵鐵觀音奶茶茶底香濃，茶味清香，珍珠煙靭有咬口，正！四季青萱鮮果茶用料豐富，有士多啤梨、藍莓、檸檬、青檸、紅莓同菠蘿，入口酸酸甜甜，清新又開胃。黑麻油雞翅雞翅相當入味同鹵水雞翅味道相近但就多咗份黑麻油嘅香味。溏心蛋橙黃色嘅蛋黃呈現流心狀態，蛋味香濃，推介！烏魚子元貝手作麵元貝表面煎到焦黃，配上香菇、蕃茄、椰菜苗及彈牙嘅手作麵，入口creamy，非常滋味。古早杏鮑三杯雞香濃嘅醬汁加入雞肉，配搭九層塔、薑同蒜，香氣撲鼻而來，撈飯一流。抹茶鮮果流心歐軟賣相吸引，吐司烘到金黃微脆，淋上少量嘅抹茶醬，頂層放咗芒果、奇異果、士多啤梨等新鮮生果，色彩吸引！打開吐司盒，入面有抹茶醬及麻糬，將微脆嘅麵包條混合抹茶醬或伴碟嘅抹茶雪糕，味道sweet又好食！