我愛台妹炸雞排 (已結業)

自從多年前的加太賀, 我已經好耐無來過紅磡的崇潔街食野, 大熱天時行到來, 為左一試台妹的手勢, 其實台妹呢個老闆娘已經唔係落手落腳做, 只係交比兩個女計伙做, 佢只係做收錢, 落單等行政工作佢地有好多套餐選擇, 而且一定平過散叫, 我要左炸雞扒+大珍珠奶茶的套餐($22), 炸雞排係只叫即整, 將雞比肉壓扁連皮炸, 所以一定熱辣辣的, 而且都幾大塊, 不過已經剪開左一件件, 方便入口, 不過就偏油, 我叫左台妹加辣, 不過d辣粉只係小小辣而且有大量的五香粉, 一口一口食過不停..., 不過食完真係有d口乾...我想都係味精作怪吧!!?? 不過好奇怪只係買炸雞排先用印有台妹的紙袋, 買其他炸物係用番普通紙袋另外珍珠奶茶 係完全人手搖的奶茶, 珍珠有咬口, 不過茶味唔夠濃, 好淺色咁, 水準唔係咁穩定, 不過食完一塊即炸濃味雞排, 大大杯的冷凍奶茶的確唔計較咁多, 始終佢地叫我愛台妹炸雞排 ,而 唔係我愛台妹珍珠奶茶台妹都幾好服務, 間唔中食下都幾好味架!! , 因為店舖不大, 而且附近衛生不佳,都係外賣穩陣d!