幸福鍋 (已結業)

天氣涼涼地就好想打邊爐🍲 今日嚟咗太安樓諗住掃街 但係行過呢邊見到有一間食台式火鍋嘅餐廳 一人一鍋配料又好豐富所以就試吓佢🤤餐廳環境好光猛已經令人心情好愉快😂 再加上係食我最鍾意嘅火鍋 一人一鍋嘅邊爐來講呢間算幾抵食👍🏻 午市套餐都有8個餐選擇 而且餐牌已經好詳細咁列出火鍋入面有咩配料麻辣什錦牛肉鍋呢個我哋嗌咗中辣 但係又未至於辣到食唔到🌶 入面有娃娃菜 牛肉片 牛肉片有好多片 不過每塊都比較細塊 豬肉水餃 有淡淡嘅韭菜味🥟 福州魚丸 呢個幾特別咬落口入面有豬肉餡料🐷 鴨血有三片 比較有台灣風味🦆 花紋蜆 米血糕 大腸 大腸都有好多片 滷水味好香 韭菜 金菇 炸枝竹 鳴門卷 仲有青豆角 配菜方面我哋嗌咗寬條薯粉 放入火鍋度淥兩淥就可以攞出嚟啦😉 煙煙韌韌咁好好食台式香濃沙茶鍋喺火鍋配料中間有一羹沙茶醬 令成個鍋嘅味道都好香花生味 配料有娃娃菜 牛肉片 米血糕 牛丸 芝心魚腐 芝心魚腐就令人有少少失望因為芝士味唔香🧀 花紋蜆 粟米 金菇 炸枝竹 鳴門卷 花枝丸 韭菜 蕃茄 同埋青豆角 配料同上面另一個鍋有啲相近所以就唔逐樣介紹啦 呢個配菜我哋揀咗粉絲 冇諗過原本係鍋入面已經有粉絲 係兩個