影片
更多
2023-03-24
46 瀏覽
仲未去到台灣食台灣，咁就唯有去咗茶木先啦！即刻要嗌最鍾意食㗎花枝餅，大大塊嘅花枝餅，佢特別在有其他地方冇嘅櫻花蝦，一到食嘅時候有櫻花蝦嘅香味！然後自己都好鍾意食紅油抄手，呢個份量絕對足夠，有成八隻大大隻嘅雲吞！超級足料，啲餡都好豐富！然後主食我哋嗌咗兩款。一款係鹽酥排骨肉燥飯，晚餐嘅擺盤好靚。鹽酥排骨份量超大，好香脆，味道剛剛好。然後肉燥飯份量都好多，肉燥肥瘦均勻，味道入味。正！另外我自己好鍾意食鴨血，就揀咗麻辣鴨血旺配地瓜米粉，你可以揀飯或者米粉！佢個鴨血份量好足夠，下面配搭左唔同嘅配料：有萵筍、芽菜、豆腐卜，吸哂啲麻辣汁好香濃，不過我可以再食辣啲，我會覺得更加惹味😜🤪飲品嗌咗佛手柑水果高山金萱烏龍茶，嘅有唔同嘅水果啦：火龍果、青檸、橙、番石榴、士多啤梨🍓。而且配搭左清新嘅烏龍茶，淡淡的茶香同水果香可以解油膩。然後嗌埋一杯一直好想嗌嘅滿杯珍珠鐵觀音奶茶🧋！呢杯奶茶之前經過嘅時候已經見到客人買，真係有八成滿既珍珠！超級啱晒鍾意食珍珠嘅人就好似我咁！！而且佢本身個茶底已經係少甜，我再嗌左少甜，咁就略嫌淡咗少少🤏。但係見到成杯珍珠已經好滿足啦🥲最後嚟茶木一定要食嘅台式甜品！本身揀咗個限量每
即刻要嗌最鍾意食㗎花枝餅，大大塊嘅花枝餅，佢特別在有其他地方冇嘅櫻花蝦，一到食嘅時候有櫻花蝦嘅香味！
然後自己都好鍾意食紅油抄手，呢個份量絕對足夠，有成八隻大大隻嘅雲吞！超級足料，啲餡都好豐富！
然後主食我哋嗌咗兩款。一款係鹽酥排骨肉燥飯，晚餐嘅擺盤好靚。鹽酥排骨份量超大，好香脆，味道剛剛好。然後肉燥飯份量都好多，肉燥肥瘦均勻，味道入味。正！
另外我自己好鍾意食鴨血，就揀咗麻辣鴨血旺配地瓜米粉，你可以揀飯或者米粉！
佢個鴨血份量好足夠，下面配搭左唔同嘅配料：有萵筍、芽菜、豆腐卜，吸哂啲麻辣汁好香濃，不過我可以再食辣啲，我會覺得更加惹味😜🤪
飲品嗌咗佛手柑水果高山金萱烏龍茶，嘅有唔同嘅水果啦：火龍果、青檸、橙、番石榴、士多啤梨🍓。而且配搭左清新嘅烏龍茶，淡淡的茶香同水果香可以解油膩。
然後嗌埋一杯一直好想嗌嘅滿杯珍珠鐵觀音奶茶🧋！呢杯奶茶之前經過嘅時候已經見到客人買，真係有八成滿既珍珠！超級啱晒鍾意食珍珠嘅人就好似我咁！！而且佢本身個茶底已經係少甜，我再嗌左少甜，咁就略嫌淡咗少少🤏。但係見到成杯珍珠已經好滿足啦🥲
最後嚟茶木一定要食嘅台式甜品！本身揀咗個限量每日供應嘅鐵觀音歐軟，但可惜早早已經賣晒…唯有改叫抹茶鮮果流心歐軟。個賣相靚過以前好多😆又有啲裝飾過嘅水果同埋無花果乾，拼埋淡淡綠茶嘅顏色好優美😊最鍾意個多士入邊有麻薯同埋有流心嘅綠茶餡，非常之特別，望到流心嘅綠茶餡幾療癒🤤
太耐冇食過台灣嘢，好滿足。又可以舒舒服服傾偈咁坐喺度！正！
張貼
