影片
更多
2024-08-12
5031 瀏覽
2024年8月5日 星期一呢日終於有機會嘗試下湊湊既午市套餐，喺大圍圍方新開張幾個月都未有機會黎，成日都見到大排長龍，呢日一於去試下餐廳門面整得好有時尚風格，門口有兩隻海豚雕像，仲有流水添入到去好似去咗水族館咁，燈光同裝修嘅用色都幾cyber，每張枱都有獨立空間，傾偈都唔怕其他枱聽到今次嚟主要係嘗試下餐廳嘅午市套餐，因為係台式半自助套餐，可以出去自助區任拎水果同前菜，主食都有幾多款選擇，價錢都唔算太貴，$100內有找，仲可以半價加購茶飲添，所以我哋每人叫咗一個午市套餐自助區除咗有唔同嘅醬料可以自製之外，餐廳都提供咗八款唔同風味嘅醬料配搭俾客人，比較少見嘅醬汁有XO醬、蘑菇醬同香油等等，另外仲有前菜同生果提供，生果都有好多款，例如西瓜、哈密瓜同柑，見到店員係新鮮切出嚟，夠晒新鮮清甜，未食主菜都拎咗幾舊黎食，西瓜冇乜核，而且起晒沙等咗一陣飲品就首先送到，呢個係冰冬瓜檸檬，仲加左茉莉茶凍，味道酸酸甜甜，再加埋食到茉莉花茶凍，口感好豐富又解渴老婆要嘅係雲朵絲絨美人烏龍，飲品上面有一層奶蓋，真係好似雲層咁，口感好幼滑，烏龍茶味幾突出食物方面有寶島慢煮蕃茄牛肉小火鍋，附有烏冬、前菜同甜品，份量都唔
呢日終於有機會嘗試下湊湊既午市套餐，喺大圍圍方新開張幾個月都未有機會黎，成日都見到大排長龍，呢日一於去試下
餐廳門面整得好有時尚風格，門口有兩隻海豚雕像，仲有流水添
入到去好似去咗水族館咁，燈光同裝修嘅用色都幾cyber，每張枱都有獨立空間，傾偈都唔怕其他枱聽到
今次嚟主要係嘗試下餐廳嘅午市套餐，因為係台式半自助套餐，可以出去自助區任拎水果同前菜，主食都有幾多款選擇，價錢都唔算太貴，$100內有找，仲可以半價加購茶飲添，所以我哋每人叫咗一個午市套餐
自助區除咗有唔同嘅醬料可以自製之外，餐廳都提供咗八款唔同風味嘅醬料配搭俾客人，比較少見嘅醬汁有XO醬、蘑菇醬同香油等等，另外仲有前菜同生果提供，生果都有好多款，例如西瓜、哈密瓜同柑，見到店員係新鮮切出嚟，夠晒新鮮清甜，未食主菜都拎咗幾舊黎食，西瓜冇乜核，而且起晒沙
等咗一陣飲品就首先送到，呢個係冰冬瓜檸檬，仲加左茉莉茶凍，味道酸酸甜甜，再加埋食到茉莉花茶凍，口感好豐富又解渴
老婆要嘅係雲朵絲絨美人烏龍，飲品上面有一層奶蓋，真係好似雲層咁，口感好幼滑，烏龍茶味幾突出
食物方面有寶島慢煮蕃茄牛肉小火鍋，附有烏冬、前菜同甜品，份量都唔少，個火鍋每一啖都食到蕃茄味，而且裏面嘅牛肉煮得好腍，落埋烏冬落去再煮一陣，啲烏冬已經掛晒蕃茄汁，烏冬口感幾煙韌
至於我就要咗台北燉排骨飯，排骨煮得好入味，而且腍到小朋友都食到，醬汁有少少微辣，用嚟撈飯食一流，最估唔到嘅係甜品竟然係豆腐花布甸，上面加咗紅豆蓉，甜甜地充滿豆香
埋單每人百幾蚊左右，就可以任食生果同前菜，係好豐富嘅午餐
張貼
