梅之味 (麗都大廈) (已結業)

灣仔蘭杜街座落於灣仔和金鐘之間，静中带旺， 隱藏不少特色餐廳。下班後約同事晚飯， 指明要食台灣菜， 來了 《梅之味》。 小小店舖，裝修簡潔明亮， 加上全場木製檯椅 ，很有台式小店feel。❤️心儀佢嘅三杯雞二人餐$268， 都是台式家常美食， 配搭得宜， 而且還包括兩碗白飯［三杯雞］三杯雞熱辣辣上檯， 九層塔嘅香味不绝， 醬汁香濃惹味， 雞肉夠入味， 還加了米血糕， 非常地道的台式傳統米食糕點， 配合酒香，整體出色！［乾扁四季豆］ 味道唔錯， 四季豆夠乾身， 吸滿醬汁， 配合肉碎口感味道甚佳！ 唯獨是邊緣的梗未摘去食落会有渣。［醬燒茄子］手工精細， 每件燒茄子上也灑滿切得幼細的葱和蘿蔔。 泡過油的茄子特別香口， 淋上的醬汁啱啱好唔會太鹹。［凍胚芽奶茶］$28茶底係台式奶茶， 奶味茶味都平衡，胚芽沉底， 記得飲之前攪拌一下，［冬瓜茶］$22夏日飲冬瓜茶特別消暑，唔會太甜夠健康。