台灣郎 (已結業)

今日老婆突然要去中央圖書館返工, 收工後我地約左係天后站等。因為冇預定食乜野, 所以我地決定先四圍逛逛再決定食乜。😊天后近年開左好多新嘅餐廳, 而且好多質素都唔錯, 我地搵到呢間台灣郎亦係網上評價唔錯。台灣郎門面掛滿燈牌, 好有台灣夜市嘅感覺。餐廳唔大間, 裝修幾雅致, 牆上掛上台灣嘅街景增加台式風味。🍁 餐牌設計簡潔, 菜式選擇都幾多, 我地點左去台式餐廳必食嘅魯肉飯, 牛肉麵同鹹酥雞, 另外珍珠奶茶當時亦唔少得啦。😋台南魯肉飯$35不過都唔細碗, 唔會好油膩, 魯肉份量都唔少, 撈白飯食非常惹味。👍紅燒牛肉麵好大碗, 上枱時我地個心都離一離, 因為仲有鹹酥雞同炒菜未上, 兩個人食實在太多。🙈 牛肉麵湯底超濃郁又帶有蘿蔔嘅香甜, 牛肉煮得好軟腍而且好入味, 連唔太愛食牛肉嘅老婆都食左好多。😄鹹酥雞外脆內嫩, 雞肉多汁, 唔算太鹹, 味道剛好。😚避風塘炒時蔬我地揀左走辣, 亦都係好大碟, 除左有避風塘風味, 仲有少少上湯, 唔會好油膩。飲品我揀左香芋珍珠奶茶, 甜度適中, 茶味同香芋味都夠濃, 份量剛剛好, 老婆就點左洛桑花茶。因為份量實在好大份, 下次再黎要點少d, 今晚我地要捧住個