饞。台式食堂 (如心廣場二期)

營業中

休息中

疫情下無得去旅行，唯有四圍食野解決深隱。今次經過如心廣場，新開左唔少餐廳，附近又有donki，平日都超級多人。見到有台式便當，環境乾淨，內外都非常簡約清新。餐牌唔少選擇，有藥膳排骨、鹽酥雞、燉牛腩、當歸鴨麵線線都有！價錢都相當親民，下午茶都係$40以下。今次就叫左滷肉麵＋滷豆腐＋溫泉蛋，仲有仙草奶茶。滷肉麵份量相當大，一個女仔真係食唔晒，目測400-500g都有。滷肉軟嫩，半肥瘦，唔會過咸。滷豆腐相當重豆味，一咬落去肉汁出晒黎。少少蜂巢狀。仲要左熱既仙草奶茶，淡淡既仙草配奶茶幾夾。值得一提，餐廳有usb位叉電，又有暖水自助斟水，真係幾體貼。