伊甸 (已結業)

Happy Friday Night同老公出街食晚飯。餐廳行文青路線，好舒服既感覺，又唔駛加一。寶島蛋餅配輕盈沙律蛋餅內餡揀左鮪魚，蛋餅煙韌，少少酥皮感，餡料俾得足，啖啖都好滿足。滿漢綜合台式鐵板吐司滿漢綜合既餡料有雞蛋、起司、培根、火腿，層次豐富，特別炒蛋好嫩滑，好出色。麵包用上丹麥吐司，口感酥脆。台式香菇肉燥珍珠白飯配涼拌小食配菜揀左鹽酥雞排，大大塊，外皮炸到脆卜卜，好惹味，雞肉唔會鞋，肉燥撈飯食一流。鹽酥花枝丸(三粒)幾彈牙，鹽酥令佢更加香口。黑松露醬薯條(細)薯條雖然係細size，但份量都不少，熱辣辣上枱，正。黑糖奶蓋波霸巴斯克芝士蛋糕(3.5吋)蛋糕外實內軟，芝士味濃，自己倒奶蓋同珍珠，食得又玩得。跟餐飲品叫左柚子蜜、低糖烏龍茶、低糖綠茶。