牛品台式火鍋

營業中

休息中

好耐冇食得咁滿足😌 叫咗牛極品任食套餐，有好多新鮮肉任食，仲有台式小食甜品飲品，乜都有，睇落好吸引😍湯底方面我哋揀咗櫻花蝦濃湯鍋，豬骨湯好濃郁，仲有櫻花蝦嘅香味，好鮮味！餐廳嘅肉質好新鮮，睇落好有質素，老闆一點都冇hea啲客👍🏼美國頂級肩胛肉🥩肉質好嫩，而且牛味好濃！烚幾秒就可以食，入口即溶🤤西班牙栗飼豬五花🥓肥瘦適中嘅豬五花，烚耐咗都唔會鞋，嫩滑嘅口感真係encore咗好多碟！美國牛胸腹🥩牛肉有筋，啖啖油脂香！夠鮮嫩，仲有陣淡淡嘅奶香味🤤新西蘭羊卷肉🐑呢碟羊卷肉係我至愛！冇羊羶味，食落仲有脆卜卜彈牙嘅口感💯西班牙栗飼豬梅肉🐖呢碟豬梅肉都好嫩口，油脂適中，一點腥味都冇！花雕酒雞件🐓估唔到呢碟都好好食！雞肉鮮嫩多汁，雞皮嘅油香味完美融入雞肉入面，配埋花雕酒香味，好正👍🏼等緊食材熟嘅時候，仲可以去拎各式各樣嘅台式小食，件件睇落都好吸引，所以我每樣都拎咗啲試味😂