影片
更多
2024-10-24
344 瀏覽
🐯台式酸菜魚餐廳，點知叫錯左個嘉義沙鍋魚？！🐭 ⭐️按「更多」睇詳細食評及餐廳資料😋 「湯比魚更鮮，一碗記三天」係台灣過江龍築間酸菜魚的口號，懶惰二人組去左呢間以粉紅桃紅色為主調既酸菜魚打算嘗下鮮，點知我地叫左個嘉義沙鍋魚，竟然同我地既寄望有出入？！《嘉義沙鍋魚》 $208根據餐牌介紹，佢係古早味做法，有豬油、沙茶、辣豆瓣等用料炒香左之後再配鱸魚。個鍋上枱時聞到超級咸香既味道！上完菜店員都會齊齊叫聲「湯比魚天鮮，一碗記三天」金針菇冬菇、寛粉果啲係ok既。而魚既質應亦都唔錯！不過食落去味道愈黎愈濃，可能個湯底點啲太過混合左好多唔同既食材同醬料，好似辣椒同沙茶醬。食食下突然覺得個湯有啲似打邊爐打到後期既湯底咁…或者呢個湯底就好似榴槤咁比較濃味嘅食物，例如臭豆腐或者榴槤咁，有人會好鍾意，亦都有人會好唔鍾意…如果你有食過呢個湯底，都可以話俾我知你哋嘅感覺😛《冬瓜檸檬茶》 $18酸酸檸檬，加上甜既冬瓜茶味。不過感覺上好似酸左少少。《蜂蜜檸檬水》 $18淡淡既蜂蜜味，相比冬瓜檸檬茶，呢杯好飲啲清爽啲。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物黎講只能夠講嘉義沙鍋魚個湯底唔係我哋杯茶！我地見其他
⭐️按「更多」睇詳細食評及餐廳資料😋
「湯比魚更鮮，一碗記三天」係台灣過江龍築間酸菜魚的口號，懶惰二人組去左呢間以粉紅桃紅色為主調既酸菜魚打算嘗下鮮，點知我地叫左個嘉義沙鍋魚，竟然同我地既寄望有出入？！
《嘉義沙鍋魚》 $208
根據餐牌介紹，佢係古早味做法，有豬油、沙茶、辣豆瓣等用料炒香左之後再配鱸魚。
個鍋上枱時聞到超級咸香既味道！上完菜店員都會齊齊叫聲「湯比魚天鮮，一碗記三天」
金針菇冬菇、寛粉果啲係ok既。而魚既質應亦都唔錯！
不過食落去味道愈黎愈濃，可能個湯底點啲太過混合左好多唔同既食材同醬料，好似辣椒同沙茶醬。食食下突然覺得個湯有啲似打邊爐打到後期既湯底咁…
或者呢個湯底就好似榴槤咁比較濃味嘅食物，例如臭豆腐或者榴槤咁，有人會好鍾意，亦都有人會好唔鍾意…如果你有食過呢個湯底，都可以話俾我知你哋嘅感覺😛
《冬瓜檸檬茶》 $18
酸酸檸檬，加上甜既冬瓜茶味。不過感覺上好似酸左少少。
《蜂蜜檸檬水》 $18
淡淡既蜂蜜味，相比冬瓜檸檬茶，呢杯好飲啲清爽啲。
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
整體
❤️食物黎講只能夠講嘉義沙鍋魚個湯底唔係我哋杯茶！我地見其他枱食酸菜魚都食得幾開心。有機會嘅話，我哋都可能會再嚟試吓佢哋嘅酸菜魚。
💚環境方面，感覺就係坊間酸菜魚嗰種裝修，店內有大大個LED 屏幕同埋鮮艷嘅顏色做裝修，務求令到食客用餐同時有較強視覺觀感。
💛服務方面，員工有禮，不過上菜時間比較慢，個魚等左咗成半個鐘，上菜時間有待改善。
Rating：
懶惰鼠😻😻
懶惰虎 🤩🤩
📍築間酸菜魚
銅鑼灣軒尼詩道489號銅鑼灣廣場一期2樓202-203號舖
💰人均消費：$220⏰營業時間：11:00am-11:00pm
#懶惰在香港 #lazifooday #香港 #銅鑼灣餐廳 #銅鑼灣美食 #hkfoodie #hkfood #hkrestaurant #hkfoodblogger #hongkongfoodie #香港酸菜魚 #cwbfood #嘉義沙鍋魚 #香港台灣美食 #香港好去處 #香港打卡 #打卡餐廳 #留港消費
張貼