御黑堂 (已結業)

今日行街離遠已經見到御黑堂嘅招牌大黑熊，於是就走去買嘢飲。店員好有禮咁問我飲咩，我呢啲有選擇困難症嘅人，望住琳瑯滿目嘅飲品選單，好難呀！店員見我咁就推薦我飲火龍果臟臟茶，我望下張圖杯嘢粉紅色加白色，充滿夏日味道，於是就叫左呢杯火龍果臟臟茶。我醒起有個同事平時對我好關照，係我關照下佢嘅時候啦！於是我又問店員有咩好介紹，佢就推薦黑糖水晶俾我。等咗一陣間，兩杯飲品好快到手，我飲左啖火龍果臟臟茶，原來唔單止有火龍果，仲有香蕉咖，香蕉加奶打勻，加埋紅肉火龍，清新香甜。而黑糖水晶一摸上手，黑糖是新鮮製作，熱咖。加上燒仙草係入面一凍一熱係口入面，好爽呀！而且黑糖味好香，飲完成個人都好開心。