養心麵 (已結業)

食過兩次養心殿，一直對美人鍋同麻辣鍋念念不忘😍但係有時候次次都打邊爐又會太肥，好彩開咗間養心麵！可以滿足晒我兩個願望✨我揀咗麻辣湯底，台式闊粉條，鴨血，台灣A菜同埋溏心蛋。麻辣湯揀咗小辣，唔辣，就連唔食辣嘅媽咪都覺得唔辣，建議可揀中辣或以上～鴨血同A菜都好入味，份量都幾多👍🏻最鍾意食闊粉條，其實係闊嘅水晶粉咁，QQ地好爽口😋媽媽就揀咗美人鍋湯底，金錢肚，豆皮同埋蘭花乾～美人鍋好香，不過當然打邊爐湯底嘅味道會更濃郁啦，呢個都不錯☺️金錢肚好爽口👍🏻一開始唔知咩係蘭花乾，見個名咁得意就試下啦，原來係豆乾😂味道幾好，吸晒湯底嘅味，外皮微脆～大大杯，飲完可以解膩👍🏻