影片
更多
2018-12-12
848 瀏覽
因為知道呢間餐廳既聖誕餐早啲預定會有平啲同要訂先有得食，一早已經book定，等晏晝去完大館再去PMQ就可以提早試埋呢個台式聖誕餐。之前經過門口已經覺得間餐廳好文青好靚，今次終於可以入去試下。餐廳有好多乾花同書，書可以俾人拎嚟睇，感覺好文青，好似入到去真係台灣既cafe咁。因為有兩個朋友係臨時join，佢地就無得食要預定既聖誕餐，就叫咗個台式火鍋嚟食，職員話係冬天限定先有既。佢地叫咗個壽喜燒($80)湯底既火鍋，本身已經有唔少雞肉同蔬菜喺入面。佢地知自己大食，仲叫咗其他嘢加料，有台式香腸、餃子、貢丸、好難得可以喺香港見到既米血榚！仲有多數喺台灣打邊爐先見到既水蓮！真係好台式 ！朋友話湯底好甜，啲嘢幾好食，特別喺啲台式香腸！終於到我既聖誕餐啦，因為預定咗有特價就$249一位。前菜有冬瓜、蕃茄同最鐘意既秋葵！鳳梨苦瓜湯，第一次飲呢個湯，感覺幾特別，苦同帶甜，甜中又帶啲苦，又有啲藥膳湯既感覺，我自己就幾鐘意。呢道菜叫月見過貓，啲菜好香炒得幾唔錯。台灣烏龍茶燻雞，食完咁多菜食返啲肉就啱晒啦，雞非常多，肉好鬆軟麻醬拌麵，麵係用粗麵整，連埋麻醬配搭得好夾。最後既甜品，塔吉特千層蛋榚，好好味！飲品我哋
之前經過門口已經覺得間餐廳好文青好靚，今次終於可以入去試下。
餐廳有好多乾花同書，書可以俾人拎嚟睇，感覺好文青，好似入到去真係台灣既cafe咁。
因為有兩個朋友係臨時join，佢地就無得食要預定既聖誕餐，就叫咗個台式火鍋嚟食，職員話係冬天限定先有既。
佢地叫咗個壽喜燒($80)湯底既火鍋，本身已經有唔少雞肉同蔬菜喺入面。佢地知自己大食，仲叫咗其他嘢加料，有台式香腸、餃子、貢丸、好難得可以喺香港見到既米血榚！仲有多數喺台灣打邊爐先見到既水蓮！真係好台式 ！朋友話湯底好甜，啲嘢幾好食，特別喺啲台式香腸！
終於到我既聖誕餐啦，因為預定咗有特價就$249一位。
前菜有冬瓜、蕃茄同最鐘意既秋葵！
鳳梨苦瓜湯，第一次飲呢個湯，感覺幾特別，苦同帶甜，甜中又帶啲苦，又有啲藥膳湯既感覺，我自己就幾鐘意。
呢道菜叫月見過貓，啲菜好香炒得幾唔錯。
台灣烏龍茶燻雞，食完咁多菜食返啲肉就啱晒啦，雞非常多，肉好鬆軟
麻醬拌麵，麵係用粗麵整，連埋麻醬配搭得好夾。
最後既甜品，塔吉特千層蛋榚，好好味！
飲品我哋就叫咗個特飲，牛蒡桂圓枸杞紅棗茶，有啲花棋蔘既味道，幾得意。
張貼
