肉多多火鍋

我最鍾意打邊爐，知道台灣排隊人氣店「肉多多火鍋」嚟咗香港，就即刻去試吓!🍲火鍋店鄰近維園，景色開陽，採光度高，感覺好舒服。現場仲播放住聖誕音樂，好有氣氛🎄數位店員都係來自台灣，佢哋都非常之有禮貌又熱情，會細心留意客人需要：自動換碟、加湯、詳細介紹餐牌，令客人有賓至如歸嘅感覺💖火鍋湯底有八款可以選擇。每款都好有特色，我就揀咗鴛鴦煲，試吓「招牌爆炒海味石頭湯底」同「聰明沙茶魚頭湯底」。店員喺客人面前即場炮製爆炒海鮮湯底，瞬間香氣四溢，霹哩啪啦嘅聲響，格外誘人食欲😋魚頭湯底採用咗三文魚頭，含有豐富DHA，唔知係咪食咗都會聰明D呢？😆食物方面，我哋揀咗打卡必嗌嘅「肉瀑布」📸「肉瀑布」有乾冰襯托，一上枱嘅時候仙氣逼人，雪花靚和牛都被滿滿嘅仙氣包圍着，大家都睇到嘩嘩聲😍同行嘅朋友咁啱呢個月生日，餐廳仲特別為佢炮製咗一個用豬肉片砌成嘅「生日肉蛋糕」🎂，真係超級驚喜！又係一定要相機食先📸本來店員想為壽星女唱生日歌，但係我朋友怕羞，所以就只係好開心地收下蛋糕🤭我哋另外亦點咗一個丸類嘅拼盤，最特別嘅係有一款牛丸入邊係有芋蓉💜芋蓉係用新鮮芋頭整成，味道同牛肉出奇地夾，創意十足！店舖有一個「混醬區」同埋「甜品