品茶弄啡 (已結業)

近年尖沙咀開左多間台式飲品店, 我同老婆都好鍾意飲, 尤其是近年大熱的黑糖珍珠鮮奶。自從漢口道的品茶弄啡開業之後, 近幾個月每次到尖沙咀我地都會去嘆返杯。品茶弄啡的茶葉全由台灣直送, 黑糖係每日現場手炒而且冇加色素, 非常用心經營。我地今日下午15:00左右到尖沙咀, 因為係平日, 所以唔需要排好耐隊。品茶弄啡除左茶葉出名之外, 咖啡亦都係其中一個賣點, 所以店內除左有茶葉罐擺設之外, 更設有Coffee Corner。我地今日點左手炒黑糖珍珠鮮奶同黑芝麻紅豆鮮奶, 連埋排隊10分鐘飲品已經到手。手炒黑糖珍珠鮮奶 $32品茶弄啡的黑糖珍珠因為係現場人手炒製, 口感軟糯, 味道香甜之餘帶有微微炭燒香味, 加上香滑鮮奶, 賣相都味道都好出色。黑芝麻紅豆鮮奶 $30老婆今日點左呢款黑芝麻紅豆鮮奶的熱飲, 芝麻好濃郁, 唔會太甜, 紅豆軟腍, 熱度剛好, 入口非常舒服。