程班長台灣美食 (已結業)

蔥抓餅.HK $22.之前去台灣一直冇試過蔥抓餅，今次難得係香港嘅台灣菜店舖有蔥抓餅，終於俾我有機會試到😅 蔥抓餅食落幾鬆軟同鬆脆，加上面頭有少量調味粉，咸咸地咁幾特別。.玉米起司蛋捲餅.HK $36.玉米起司蛋捲餅個皮同蔥抓餅味道好相似。個皮包住蛋、芝士同粟米。食落好香芝士同粟米嘅味道。鬆脆嘅皮，加上熱辣辣嘅芝士同粟米餡，又幾match、幾好食😋.阿嬤傳統 鳳梨冰芋圓.HK $28.初初以為芋圓只係面頭有，但原來入面都夾雜住有少量，加加埋埋都有成十幾粒。今次係第一次食芋圓，之後一直都冇食過，食落煙煙韌韌咁幾特別。鳳梨冰濃鳳梨味，即使啲冰溶咗，都冇減弱到鳳梨個味。而且鳳梨冰入面有鳳梨絲係到。