大橋頭 (已結業)

放假去「蓬瀛仙館」行下，逛完過嚟粉嶺中心食晏。喺商場一樓搵到間取名「大橋頭」嘅台灣料理，裝修好有台灣夜市風味，一於試下。餐廳採用 QR Code 形式落單，午市有套餐供應，+$3 送豆漿，轉其他飲品正價減 $8。蒜香排骨肉燥飯 ($58)  肉燥調味啱啱好，鹹淡得宜，肥瘦適中，帶醬油香味，跟飯嘅滷蛋水準亦唔錯，非常入味。排骨另上，炸至金黃色，肉質嫩滑入多汁，佐飯一流！菜肉水餃滷蛋麵 ($53)  湯底用料十足，帶濃郁藥膳及花雕香氣。水餃大大隻，餡料飽滿，菜肉比例均稱，入口充滿肉汁。麵條選了新竹米粉，米粉幼細煙韌，配上惹味濃湯，滋味踏實。跟餐飲品點咗黑糖薑母茶、原味豆漿：薑母茶嘅薑味好濃；豆漿唔算好甜，豆味好重。台式小吃拼盤A ($68)  拼盤好豐富，有台灣香腸、黃金流心芋泥圓、紫金地瓜QQ球。香腸燒得啱啱好，外皮帶有少少焦香。芋泥圓咬開有流心效果；地瓜球脆卜卜，入口有好重紫薯香味。甜品時間，一口氣點咗 4 款，有芋圓1號 ($38)、愛心椰汁喳咋 ($22)、古早焦糖布甸 ($22)、台式麻糬 ($18)。芋圓1號用料相當豐富，有芋圓、芋頭、紅豆同黑珍珠。芋圓有嚼勁、芋頭甜而不膩、紅