The Night Market (又一城) (已結業)

早排成日都食日本野，今日想試吓轉口味食台灣菜。喺九龍塘又一城嘅2樓見到一間餐廳嘅裝修好開揚，俾佢嘅裝修吸引左。我哋兩個人叫咗好多嘢食，都係$200左右， 價錢都可接受。鹽酥花枝丸$62熱辣辣炸得好香口，食嘅時候要小心啲唔好咁心急，如果唔係會辣親。我都幾鍾意佢俾我哋點嘅醬。金牌小籠包$52小籠包嘅皮都幾薄，都唔錯。鮮汁生煎包$48如果生煎包既汁可以再多啲嘅話，我會食得更開心😃麻糬三杯雞球$32呢一樣餸好特別，有好咬口嘅麻糬，再配合埋啲雞，相當有創意。新竹炒米粉$88好有家嘅感覺，份量都幾多，兩個人食都食唔晒，可能係叫得太多小食？整體來講成個用餐比我嘅感覺都幾好。