火水爐花膠館 (已結業)

尋晚7點幾，想試下屯市未食過既餐廳，見無人排隊，就去左火水爐食咗個288蚊既花膠雞湯底既邊爐，中伏。雖然睇落有好多料，但個湯完全無味，竟然豉油都係無味，牛肉睇樣就好似幾好，但食落完全無牛味，如果矇住塊面食野你都唔知係食咗牛。之後點咗其他野，無一樣係好食，得蔬菜係正常，有d仲放唔到落個口度，如鵝腸、豬紅、蘿蔔等，想嘔。飲品方面都無咩選擇，無甜品供應。總結，任食黎講，以288蚊未加一情況下，應該係食過最差既一間。