影片
更多
2021-05-08
538 瀏覽
屋企人想試呢間嘅平價點心放題 星期六下午茶時間淨係$91+1 連茶錢 點知就中哂伏😅😅 下午茶時段有兩張紙可以tick 其實款式都幾少😅😅最基本嘅腸粉 蘿蔔糕都冇😓————————————————————————🐕湯羹粉麵類🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯款款麵都好淋🥲🥲係嫩雞煨麵嗰湯有少少奶香 救咗碗野上海粗炒睇色水都知佢‘健康’ 勁淡鑊氣就一定冇㗎啦炒年糕先係伏中之伏同樣冇味 仲要好粉 一啲都唔煙韌😓😓 究竟我食緊啲咩 茄子炆米反而ok 有鑊氣但好油————————————————————————🐕點心🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯唯一好啲就係佢嘅招牌燒賣同蝦餃兩款入面都有幾隻蝦🦐大大粒 好飽滿 係幾足料嘅小籠包都OK 入面有肉汁鳳爪 排骨 滑雞 流沙包正常啦翠肉瓜蒸得太淋啦唔使咬 岩哂無牙婆婆食😅😅馬拉糕比啲倒汗水滴到濕哂炸饅頭用咗椰香饅頭 膩上加膩🥥炸物基本上都香脆 但唔熱但蘿蔔絲酥餅 粉多過絲炸雲吞就鮮蝦失了蹤🦐❓————————————————————————🐕甜品🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯桂花糕馬豆糕正常楊枝甘露就不知所謂🙄上碟見到隻
屋企人想試呢間嘅平價點心放題 星期六下午茶時間淨係$91+1 連茶錢 點知就中哂伏😅😅 下午茶時段有兩張紙可以tick 其實款式都幾少😅😅最基本嘅腸粉 蘿蔔糕都冇😓————————————————————————
🐕湯羹粉麵類🐕
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
款款麵都好淋🥲🥲係嫩雞煨麵嗰湯有少少奶香 救咗碗野
上海粗炒睇色水都知佢‘健康’ 勁淡
鑊氣就一定冇㗎啦
炒年糕先係伏中之伏
同樣冇味 仲要好粉
一啲都唔煙韌😓😓
究竟我食緊啲咩
茄子炆米反而ok 有鑊氣但好油
————————————————————————
🐕點心🐕
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
唯一好啲就係佢嘅招牌燒賣同蝦餃
兩款入面都有幾隻蝦🦐
大大粒 好飽滿 係幾足料嘅
小籠包都OK 入面有肉汁
鳳爪 排骨 滑雞 流沙包正常啦
翠肉瓜蒸得太淋啦
唔使咬 岩哂無牙婆婆食😅😅
馬拉糕比啲倒汗水滴到濕哂
炸饅頭用咗椰香饅頭 膩上加膩🥥
炸物基本上都香脆 但唔熱
但蘿蔔絲酥餅 粉多過絲
炸雲吞就鮮蝦失了蹤🦐❓
————————————————————————
🐕甜品🐕
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
桂花糕馬豆糕正常楊枝甘露就不知所謂🙄
上碟見到隻黃色咁假都心知不妙🥶
撈幾下芒果都唔見粒🥭
食落人工味勁重
連西米 沙田柚都染到橙色🥶
以為豆腐花實冇死
食落又嚡又散又冇豆味🥵
反而有陣奇怪杏仁味
街市買$12/2碗都好過佢😅😅😅
————————————————————————
總結：
放題就不了 散叫佢啲燒賣蝦餃都可以考慮
但環境真係一般
餐具餐巾都有污漬😓
————————————————————————
張貼
