周太 (已結業)

超鍾意食叻沙嘅我，港島區嘅叻沙店都差唔多俾我試過，上星期有朋友極力推薦要帶我去madam chow試試，我當然奉陪啦。先講講餐廳嘅裝修有D摩登、地方乾淨、店員有禮，感覺已經好唔錯喇。坐低唔使諗就叫咗海鮮叻沙試下，好快一碗好香嘅叻沙就到咗，叻沙最重要係湯底，當然要慢慢品嚐。Lee度嘅湯底香濃、椰汁適中、帶點微辣、足料，味道相當出色，真係好好食，唔似其他店湯底溝水溝淡晒，又或者椰汁太多太甜！朋友真係無介紹錯喎,下次要叫多幾個朋友嚟試下佢哋其他特色星馬食品先。