榮記粉麵

營業中

休息中

細細個同屋企人去完維園游水，例必入巷仔食碗牛腩麵至走，非常美味。但自從後巷車仔麵搬走咗，一直都揾唔返佢，之後先知道原來榮記粉麵就係我細個時食過嘅牛腩麵，於是趁今日來幫襯下。榮記永遠雲似雲來，長期人龍，我排咗20分鐘先入座，門口有個哥哥幫你落定單，減少等食時間。今日我叫咗個四餸麵，呢度最出名係腩汁，當然要叫牛腩、牛肚襯番，另外再叫埋最愛嘅豬大腸同豬紅，麵底的話，識食車仔麵嘅梗系叫油麵啦。由於坐底前已落單，所以一陣就有得食。大大碗，份量足，湯底味濃而且很香，正。牛腩、牛肚亦相當入味，豬大腸乾淨無豬臭味，豬紅也很淋滑，應該沒有用雞血頂包，好味，唯獨是油麵較淋，如可改善就更perfect。