段純貞牛肉麵 (如心廣場一期)

營業中

休息中

三寶麵有腱心、牛肚同牛筋，一次過滿足你三個願望！牛肚爽口彈牙。牛筋超腍身，唔使點用力咬就食到。腱心係牛的小腿部位，肉裏面有細筋，筋肉比例啱啱好，肉質較堅實Ｑ彈。揀左細麵細麵因為氣孔多，索曬d湯汁。嗜辣嘅朋友一定要試下「麻辣蒜味腱心半筋半肉麵」，因為真係好辣。揀左手工麵。手工麵好闊身，似刀削麵，好彈牙。麵入面有小唐菜，小唐菜好脆口。兩碗麵都附送酸菜。滷水拼盤有牛肚、牛𦟌、滷蛋、豆干同鮮菌。牛𦟌好腍身，味夠濃。鮮菌口感彈牙。凍冬瓜薏仁檸檬特飲即係冬瓜茶加檸檬同薏米，飲落似奶茶味，唔會太甜。薏米夠腍，可以去濕，可謂健康特飲。凍荔枝乳酸飲料大大粒荔枝，甜甜的，搭配乳酸，又酸又甜好開胃。